خصائص شبكات التواصل الاجتماعي

قصة عشق لاتنتهي 

يحكي صاحب القصة بيقول أنا شاب عمري 28 سنة عيشت حياتي كلها لوحدي لأني

 ماليش اخوات مش شايف قدامي غير أمي وأبويا ومع الأسف ماعشت حياة ترفيه ولا دلع.

أبويا كان راجل جامد في تصرفاته وكان معاه فلوسه وفلوس ورثها من والده وبالرغم من

 كده كان مش بيصرف عليا ولامليم تقريبا بيستخصر فيا وفي أمي الفلوس يصرفها حتي

 في التعليم كان المفرض طالما أنا وحيد ماليش اخوات يعلمني كويس ويحسسني اني عايش

 مش ناقصني حاجة واضطريت أسيب التعليم وانا في الصف الثالث الاعدادي وفكرت

 أشتغل وبحثت في كل الشركات لحد مالقيت شركة اشتغل فيها مش بتعتمد علي المؤهل

 والحمد لله اشتغلت وقدرت أجذب الجميع وحب زمايلي ليا ،وكنت كل أول شهر أقبض

 مرتبي وأبويا يأخده مني لكن امي كانت بتزعل عليا أوي وتقولي أنت مسكين وقعت

  ضحية أب بخيل ماسك علي الفلوس وأنا نفسي تتمتع بفلوسك وتتجوز وأفرح بك كنت

 بأحزن بحزن شديد لأني كنت أحس أمي ضعيفة قصاد أبويا وما تقدرش تعارضه ومع

 احساسي اني دايما لوحدي ومافيش حد بيحس بيا لقيت نفسي في علاقة حب مع انسانة

 تكبرني في السن 20 سنة حبيتها جدا لدرجة العشق وأقسم بالله ما حصل بيني وبينها أي

 شئ أخجل منه ولا يغضب ربنا بس اللي كنت حاسه انها أول ما تنفصل عن زوجها لازم

 أتجوزها لأنها انسانة كانت متميزة في كل شئ حبها وأخلاقها بس مع الأسف ظروفنا مش

 هتسمح اننا نرتبط كان دايما كلامها معايا انك لازم تتجوز وتعيش حياتك أنا مش هانفعك

 صدقني وبعدين انت نسيت انك شاب ووالدك ووالدتك نفسهم يفرحوا بك ورفضت مرات

 كتيرة الفكرة والحاح أهلي عليا لكن تحت الضغط والمشاكل من أبويا وأمي خطبت بنت

 عمي كان تفكيري من ناحيتها انها أختي وبنت عمي وبس وزاد حزني علي نفسي وخاصة

 لما ابتديت أحس اني ماليش لازمة حتي اختيار الزوجة عليهم ،واتجوزت بنت عمي وما

 كنتش مبسوط حاسس اني ناقصني شئ وأهم شئ الانسانة اللي قلبي اختارها واللي

 ماكنتش أعرف أتكلم ولا أضحك ولا أفرح الامعاها وبالمناسبة وعشان ما تظلموها هى

 كانت أرملة ومعاها طفلين وبالرغم من كده محبتش تكون أنانية بالرغم من حبنا الشديد 

لبعض اني اتجوزها وهى أكبر مني بعشرين سنه خافت تكسر قلب أمي وأبويا وبالرغم من

 الفراق هتفضل هى الانسانه الوحيدة اللي قلبي اختارها لأن عمري ما هلاقي انسانه

 برقتها واحترامها لنفسها وحفاظها على كل شئ جميل بيننا ودلوقتي مراتي حامل وقربت 

تولد أول مولود لينا بالرغم من كل ده ألا اني مش هفرح بحياتي ولا بابني الا لما الانسانه 

الوحيدة اللي حبيتها اسمع صوتها وأكلمها مفيش أجمل من احساس الحب لما يكون في 

صدق في المشاعر, حاسس ان الدنيا وقفت من غيرها لأني متأكد اننا منقدرش نستغنى عن

 بعض لكن هى بتعمل المستحيل عشان تبعد وتديني فرصة اعيش حياتي صح بس هى مش

 عارفة اني بموت كل يوم من غيرها وده كان احساس الشاب وهو بيحكي على أول انسانه

 حركت مشاعره وتعلق بيها قلبه وحافظت على كل الحاجات الحلوة عشان كده أنا دايما

 بنادي و بقول حبوا بعضكم واخلصوا لحبكم .

تحية مني لكل انسان يحمل بداخله مشاعر جميلة وذكرى حب حقيقي وعشق لا ينتهي .

بقلم الكاتبة / سيدة حسن