حاجات الشباب الأساسية

 باع أخته عشان ادمان المخدرات 

شاب يحكي عن حاجة حصلتله ويقول والله مكسوف وانا بحكي بس لازم اتكلم معاكم

 واتمنى من الله ان يقبل توبتي بس عايزكم تسمعوا القصة كاملة والحكم ليكم بالنهاية 

كنت عايش في وسط اسرة جميلة ومحترمة مع ابويا وامي واختي وجدي وجدتي ولي

 اخت اسمها ليلى اكبر مني بسنة وكنت انا المسئول عن البيت واهلي بدل ابويا لانه كان

 مريض وحلمت كتير اكون طبيب واختي ليلى كانت بتحلم ان هي تكون مدرسة فاضلة

 لكن ابويا كان حلمه اكون جامعي فقط ومش شرط عنده اكون طبيب ولا مهندس.

بدأت حكايتي لما اتعرفت على اصدقاء لي وفي نفس الوقت كانت دراستي مستمرة عشان

 احقق حلمي والكلام ده طبعآ كان اول ترم وعدى بتفوق ونجاح وجات وقت الاجازة

 الصيفية والدي لاحظ عليا اني بخرج كتير واشتد اللوم عليا من امي لانها حست اني

 مش على طبيعتي ومتغير كتير ومع كل ده كانت اختي ليلى حنونة عليا وتخاف من

 ضرب والدي ليا وكنت بتجمع انا واصحابي في بيت واحد من الشلة من بعد المغرب

 حتى منتصف الليل لقيت صديقي جايب لنا الشاي ومن بعدها محدش فينا حس باللي

 حصل غير الصبح سألت صاحبي ايه اللي حصل قال كنت بهزر معاكم وحطيت لكم برشام

 في الشاي المهم روحت البيت لقيت اختي ليلى قاعدة منتظراني وقالتلي اوعى تعمل كده

 تاني وكانت خايفة عليا من غضب امي وابويا وفي يوم تاني روحنا عند صديقنا وطلبنا

 نشرب الشاي اللي جواه الحبوب المخدرة وبعد مرور الايام لقيت حالتي في الدراسة

 اتدهورت وعندي احساس رهيب بالفشل طلب ابويا مني اني ادخل مدرسة خاصة عشان

 اكمل دراستي بعد الفشل اللي حصلي من اصدقاء السوء وللاسف طلعت النتيجة غير

 مشرفة بعكس اختي نتيجتها طلعت واتفوقت جدآ في دراستها حبيت اجيب هدية لأختي

 لنجاحها قالت انا مش عايزة اي حاجة غير انك تبعد عن اصدقاء السوء وتنتبه لنفسك .

دخلت اختي ليلى الكلية اللي هي عايزاها وتفوقت جدآ في دراستها اما بالنسبة ليا فأنا في

 نزول مستمر مع الاسف وجهني صاحبي وقالي اشتري حاجات احسن من اللي كنا

 بناخدها واقوى وروحت اشتريتها وشربتها وساءت حالتي جدآ ولما روحت البيت

 واختي ليلى شافت المنظر ده سابتني ادخل انام لحد الصبح وبعدها دخلت عليا الغرفة

 اول ما صحيت واول شي قالته انا هقول لأبويا وامي على اللي انت بتعمله ولما دخلت

 امي علينا غيرنا الكلام لقيت نفسي من غير ما احس بلبس هدومي وبنزل عند صاحبي

 وحكيت له كل اللي حصل من تهديد اختي ليا خوفت ان امرنا يتكشف رد عليا واحد

 صاحبي وقالي انا عندي الحل قولتله قول بسرعة كده قالي ان افضل طريقة انها تبقى

 زينا حطلها حباية في الشاي عشان تبقى تحت عينينا فوافقته انا تحت تأثير المخدرات

 ان انفذ اللي اتفقت مع صحابي عليه فعملت لي وليها الشاي عشان نتكلم مع بعض بعد

 ما شربت الشاي حسيت قلبي بيوجعني لما شوفت اختي بالحالة دي هربت روحت

 لصحابي احكيلهم عن اللي حصل واول ما رجعت البيت ابتديت اترعش من الخوف على

 اختي والخوف من اختي تروح تحكي لأبويا وامي عن اللي حصل لكن المفاجأة الاكبر ان

 اختي سألتني عن الحاجة اللي حطيتها في الشاي وطلبت مني حباية اتعودت عليه وبدأت

 تخسر مستقبلها واحدة واحدة طلبت من صاحبي يديني الحبوب قالي مقابل اديك الحبوب

 تبقى اختك لي ساءت حالة اختي جدآ بسبب امتناعها عن الحبوب فصارحتها ان انا

 حاولت امنع منك الحبوب عشان تستعيدي نفسك مرة تانية وكمان صاحبي طلب مني انك

 تكوني له والمفاجأة الاكبر ان اختي وافقت وخططنا للخروج انا وهي وقابلنا الصاحب ده

 وسيبت اختي عنده ورجعت لها المغرب لقيت اختي شبه عارية اخدت اختي من ايديها

 وقولت لها دي اخر مرة هنعمل كده ونروح للشاب ده مع الاسف اختي اخدت ارقام

 تليفون الشاب وعناوينها وابتدت خروجاتها تكتر وفي مرة صاحبي قالي تعال معايا

 هسهرك سهرة حلوة مع بنت لسه متعرفين عليها هتعجبك لقيت اختي بين احضان

 الشاب وصاحبي التاني اداني مخدرات عشان اهدى وانسى اللي شوفته ورجعت البيت

 العن حظي وتصرفاتي من كتر نجاسة فعلي وخسارتي لمستقبلي ولمستقبل اختي وفي

 يوم اتصلت الشرطة على اهلي تبلغهم ان اختي ماتت في حادث هي وشخص في حالة

 عري وسكر ومن الحزن الشديد مات ابويا وامي فقدت النطق وحياتنا الحلوة راحت

 وهدوء بالنا انتهى وبعد العز والنعيم اللي كنا فيه اصبحنا بنعيش على حسنات الناس

 وبقيت ابكي ليل مع نهار على اني كنت السبب اني ضيعت اختي واهلي ومفيش حاجة

 هتكفر كل الذنوب اللي اتسببت فيها ومع الاسف حبيت ابلغ عن اصدقاء السوء اللي

 كانوا السبب في كل ده هددوني بأمي واخواتي وبقية اهلي فضلت ان اسكت واشيل ذنبي

 جوايا لاني لو اتكلمت هتبقى الخسارة مضاعفة مرة موت اختي وموت ابويا ومرض

 امي وهتكمل بفضيحتي وبكسر خاطري وخاطر اهلي ومش عارف اعمل ايه ادعوا

 لأختي ليلى بالرحمة والمغفرة وادعولي كتير ان ربنا يغفرلي ويسامحني ولو اني مش 

مسامح نفسي عن كل شي اتسببت فيه وكنت اتمنى ان بيتنا الرائع يستمر.

نصيحة مني ابعدوا عن كل شيء يبعدكم عن الله وابعدوا عن اصدقاء السوء والمخدرات 

اللي دمرت عائلات وهدمت مجتمعات . 

بقلم / الكاتبة سيدة حسن