حاجات الشباب الأساسية

زوجي اكتشف انه عقيم بعد 5 أطفال

   

   يقول صاحب القصة :اتجوزت بنت عمي وخلفنا 5 أطفال وعيشنا حياة سعيدة وجميلة

 كلها حب ووزوجتي كانت حنونة جدا وفجأة أصيبت بالبروستاتا واضطريت أروح

 المستشفي أعمل تحاليل وأشعة واكتشفت من التحاليل اني عقيم مش باخلف ولايمكن

 اني أجيب حتي طفل و حسيت بحزن شديد جدا وسألت نفسي ازاي معايا خمس أطفال

 وأنا عقيم وابتدي الشك يدخل لقلبي وخليت أولادي نايمين وأخدت من واحد فيهم شعرة

 من رأسه وزوجتي كانت نايمة ومن غير ما يحسوا أخدت الشعر وروحت معمل التحاليل

 علشان أعمل تحليل DNA ،معمل التحاليل قالي ان النتيجة هتطلع بعد شهر وقعدت

 وقت طويل أفكر ايه اللي هيحصل والنتيجة هتكون ايه كنت خايف من جوايا أوي ان

 الكلام يطلع حقيقي واكتشف ان أولادي مش مني واني ماليش علاقة بهم بعد ما اتعلقت

وكان أولادي بيحاولوا يقربوا لي كنت بأحاول أبعدهم لأني كنت خايف يكونوا مش ولادي

 وبعدت عن زوجتي بقت تنام في أودة وأنا في أودة مختلفة وده طبعا لأني مضغوط

 بسبب التفكير في النتيجة اللي مستني أسمعها من معمل التحاليل .

وأخدت قرار أركب كاميرات في كل حتة بالشقة وغلبني الشيطان أهملت بيتي وزوجتي

 وشغلي وبعد مرور الشهر مالقيتش أي شئ غلط علي زوجتي ولا أولادي لحد ما أتقابلت

 مع واحد صاحبي وسألني مالك متغير ليه أوعي يكون فيك حاجة ومخبي عليا وابتديت

 أحكي لصاحبي اللي بيحصل زي ما أنا عايشه فرد عليا صاحبي استعيذ بالله من الشيطان

 الرجيم زوجتك انسانة محترمة وأولادك يشبهوك جدا ومر عليا الشهر كأنه جبل تقيل

 علي ظهري وروحت لمعمل التحاليل أسأل عن النتيجة ردوا عليا معلش النتيجة

 هتتأخرأسبوعين كمان حسيت أعصابي بتتحرق طلعت من عندهم وابتديت أعمل مشاكل

 معاهم وفجأة ظهر بالكامير الدكتور جارنا كان داخل البيت لقيت نفسي بأجري علي بيتي

 وأول ما فتحوا الباب قعدت أضرب في الدكتور وزوجتي من غير وعي واللي حواليا

 بيحاولوا يخلصوه من ايدي فرد عليا الدكتور وقالي اتقي الله أنا جيت هنا بناء علي طلب

 مراتك ابنك تعبان جدا وحرارته مرتفعة أنت ازاي تظن فيا وفي مراتك كده ومع الأسف

 توفي الولد بسبب ارتفاع الحرارة وما حزنت علي ابني لأني عارف ان ده مش ابني .

وبعد عزاء الولد كنت في مكتبي لقيت زوجتي طالعة من مكتب صاحبي القريب مني الشك

 دخل بقلبي فروحت داخل علي صاحبي المكتب كنت مستني انه يقولي سبب زيارة

 زوجتي له ومجرد دخولي البيت ضربت زوجتي بعنف وسألتها انتي ليه كنتي عند

 صاحبي فردت عليا أنا بأشتكي له من تصرفاتك اللي بقت مستحيل حد يستحملها حبيت

 أقوله يمكن يكون عنده سبب لتصرفاتك وما حزنت علي ابنك اللي مات روحت لصاحبي

 وعاتبته لأنه ما قالي ليه زوجتي كانت عنده وروحت بعدها معمل التحاليل واكتشفت ان

 التحاليل الأولي لاتخصني أبدا وغلط وان كل الاولاد مطابقين ليا تماما وان فكرة العقم

 كانت من قريب بسبب اصابتي بالبروستاتا ويحتاج لها عملية بيقول رجعت بيتي حسيت

 بحزن علي ابني اللي مات وما حزنتش عليه ولا أخدت عزاه عملت المستحيل اني

 أعوض زوجتي وأولادي عن الفترة الصعبة اللي عيشتهم فيها ودعيت ربي انه يغفر لي

 سوء ظني بأهل بيتي والعبرة من القصة اياكم وسوء الظن ولازم كل شخص يبقي عارف

 هو بيتعامل مع مين ويكون فيه ثقة متبادلة واحترام بين الناس وبعضها .

بقلم /الكاتبة سيدة حسن