( شاب يسأل ويريد الأجابة علي سؤاله )
شاب بيسأل ويقول أنا كنت مرتبط بانسانة من فترة وبعدها طلبت مني اني أبعد ما نتكلم
تاني وفعلا نفذت لها طلبها وقررت اني ما أكلمها وبعد شهور رجعت تاني تتكلم معايا لكن
قالت لي انها بتتكلم معايا عادي من غير حب ولا أي صفة غير الصداقة فتاه الشاب وبدأ
يتردد علي لسانه سؤال ليه في نظركم رجعت تاني ؟
تعالوا بقي نرد علي السؤال اللي حير الشاب ونقوله فيه كذا احتمال اما انها مشيت أول مرة
لأنها خافت تكون بتخدعك وتصرح بمشاعر مش موجودة جواها اللي موجود جواها
عبارة عن حب لصديق أو احساس القرب والمودة فحست انك ماتستاهل انها تخدعك وما
عندهاش رغبة تجاريك في علاقة مالها أساس بداخلها ومش هتقدر تكمل باحساسها .
الاحتمال التاني :انها أعادت التفكير في علاقتكم وقررت تعطيك فرصة وتعطي لنفسها
فرصة تختبر اللي جواها واللي جواك وتقيم احساسك من ناحيتها .
الاحتمال الثالث:انها حست بانها مش موجودة جواك بكلمتها احنا مش هنتكلم تاني كانت
متوقعة منك انها تسمع كلمة بطلي الكلام ده أو أوعي تقولي كده تاني أو ما اقدرش أستعني
عنك بس مع الأسف مالقيت أي كلمة منك فبعدت وهي متأكدة من جواها انك ما حبيتها
وطول فترة الأشهر اللي بعدت فيها عنك كانت مستنية منك انك تبادر وترجع بس بس انت
ما عملت اي حاجة لكن رغبتها الكبيرة انها تكلمك رجعتها تاني لك بكلمة نرجع عادي
وعلي أي حال من الاحوال العلاقات لازم يكون أساسها الصراحة والوضوح اما أن تكون
فيه حب وتمسك واما لأ والحب ما يحتاج اختبارات من أي طرف لان الحب هو الحدث
الوحيد الذي يمر بالقلب والعقل والجسد دون تفكير ولاترتيب ولا حساب ولا توقيت
النصيحة الحق لك ابتعد بهدوء لان العلاقة بقي فيها شك من كلا الطرفين والشئ الحلو اللي
كان موجود تلاشي مع التفكير هلي فيه حب ولا لأ فرجاءا الابتعاد بهدوء واحترام ولو
أنت مابعدتش هي هتيجي عليها اللحظة اللي هتسيبك وتبعد عنك حيران مشتت الافكار
اعمل بالمقولة الشهيرة وقوع البلاء ولا انتظاره واتعود دايما لاتطرق الباب اللي سبق
واتقفل في وشك ولا تتعاطف مع من آذاك وعلي فكرة بعيدا عن اننا بنظلمها بالبعد ففيه
احتمال وممكن أكيد انها شعرت بالملل في غيابك وحست ان الحياة مالها طعم وده أكيد
دليل حبها لك وده اكتشفته في غيابك عنها ،او انك كشخص كنت كثير العطاء والاهتمام
والاحساس بها فافتقدت كل ده في الغياب وفيه احتمال أقوي بردو انها كانت خارجة من
تجربة خافت تظلمك لانها عارفة قيمتك كويس وما كان عندها استعداد لوجود علاقة
وفي الغياب حست انك الانسان الوحيد اللي تستحق انك تكون موجود بحياتها الفيصل في
القصة والحكاية والتفكير الكتير هي الصراحة وسرد الموضوع ووضع حل لذلك
وخلاصة الكلام قبل ما ـاخد أي قرار في وصل أو قطع العلاقة دور جوا نفسك مش يمكن
المشكلة عندك انت دور جوا نفسك كويس وشوف انت ممكن تكون غلطت في ايه أو
أساءت لها في ايه من غير ما تحس وأذيت مشاعرها علشان كده اضطرت تبعد عنك بس
ما قدرتش علي البعد لانها حبيتك بالفعل أو انك ما كنتش واضح في علاقتك بها أو في
مشاعرك حست بانها شخص غير مرغوب فيها فبعدت وليه تجيب اللوم والذنب عليها
أحب أقولك ان الحب ده أسمي العلاقات فحاول دايما تدور علي مواطن الجمال في
علاقتك بالطرف الاخر فالعلاقات مسئولية لو قدها استمر مش قدها ابعد نهائي .
بقلم /الكاتبة سيدة حسن
إرسال تعليق